El mga autoridad ya aresta tres personas quien ta enfrenta caso de droga ilegal na un operacion de aplicacion de ley na provincia del Tawi-Tawi, asegun con el militar del Domingo.
El 4th Civil Relations Group (4CRG), nohay nombra con el tres personas tiene caso de droga ilegal con quien ya aresta por medio na implementacion del un orden de aresto del Martes na municipio del Sibutu provincia de Tawi-Tawi.
Asegun con el 4CRG, el tres arestao personas tiene pendiente orden de aresto con recomendao piansa de P200,000 cada uno por violacion del Ley Intergral de Drogas Peligrosas de 2002.
El orden de aresto contra con el tres acusao ya dale el un corte na provincia de Tawi-Tawi del Septiembre 17, 2024.
Asegun con el 4CRG, con el tres acusao ya aresta por medio de unido y esfuerzos colaborativo del TOG SulTaw, Criminal Investigation and Detection Group (CIDG) Tawi-Tawi, 17th Army Intelligence Battalion (AIB) y mga personajes del diferentes unidades del policia.
Asegun con el 4CRG, con el tres arestao acusao ya pone bajo’l temporario custodia del CIDG na Tawi-Tawi. (B. Garcia)