Onse pusil de alta calibre sin licensia el voluntaryamente ya entrega con el otoridad el mga residentes del nueve barrio na municipio del Talitay, Maguindanao del Norte.
El Alcalde Sidik Amiril del municipio de Talitay amo el ya encabesa con el presentacion del 11 pusil del Martes na un ceremonya na “Municipal Hall” na Barangay Poblacion, Talitay.
Asegun con Major General Alex Rillera, el comandante del Joint Task Force (JTF)-Central, cay el entregada del mga pusil del residentes con mga otoridad ya facilita el 2nd Mechanized Battalion que ta encabesa si Lieutenant Colonel Tristram Tolentino.
Si Brigadier General Oriel Pangcog, comandante del 1st Mechanized Brigade, formalmente ya recivi con el mga pusil con el presencia del mga barrio capitan y consejales del Talitay.
El mga pusil ta incluwi cuatro 40-mm Grenade Launchers, un riple Garand, un calibre .30 riple Barrette de sniper, dos 7.62-mm riple de sniper, tres Rocket-Propelled Grenade (RPG) Launchers, y tres bala de RPG. (B. Garcia, photo Courtesy of JTF-Central)