Un persona el ya muri na in accident vehicular del miyercoles medio dia alla na Barangay Sangali, este ciudad.
El Police Station 3 ya nombra con el victim como si Elizer Garopa, treynta’y siete anios el edad, y resident de Sitio Cambodio, Barangay Sangali.
Asegun con Garopa ya man bangga el un vehiculo que ta maneja si Ricardo Malicay, treynta’y cuatro anios el edad y residente de Triplet, Barangay San Jose, este ciudad.
Asegun na investigacion del pulisiya cay ya man bangga con Garopa cay derepente lang este ya crosa na camino myentras ta maneja si Malicay un vehiculo estaba pa na ciudad de Cagayan de Oro y de camino na pueblo.
Con Garopa enseguidas ya lleba na hospital pero ya rebenta su resuello myentras bajo ele na curada medical. (April Boy Regino)