El alcalde John dalipe ya recivi ayer tres cheke que tiene valor de dos impunto syete milyon de pesos que ta representa el parte del govierno local estaba na oficina local del Philippine Charity Swrepstakes Office (PCSO).
El official encargao del local ofina del PCSO, si Señora Pilarcita Florentes personalmente ya entrega el tres cheke cuando ya ase le un visita de cortesiya con el alcalde ayer na city hall.
Si Florente ya habla cay el cantidad de dos milyon seis cientos setenta pesos ta representa el parte del ciudad na juego de lotto del PCSO desde el anio dos mil veinte uno y primera semestre de este anio.
Asegun con el Dalipe, parte del fondo ya recivi ele ay ginda na fondo del govierno para dale ayuda medical con maga pobre vivientes.
Baho na ley, el PCSO obligao dale treynta porcienyo del diila encontrada estaba na juego de Lotto, donde sinco porciento ay dale con el govierno local donde ta vende con el maga ticket de lotto. (Cristine Facasantos)