Un persona quine tiene pendiente orden de aresto por el violasyon del acto republica number setenta’y seis-dies or Republic Act 7610 el ya aresta el pulisiya ayer na Barrio de Pasonanca, este ciudad.
El Republic Act 7610 amo un ley que ta dale especial proteccion con maga bata contra abuso, exploitasion y discriminasion.
El hefe del Police Station 7, si major Alvin Lepiten, ya nombra con el arestao suspechao como si Ramon Blanco, un residente de Carmen Valley, Barangay Pasonanca.
Asegun con Lepiten cay si Blanco ta enfrenta cuatro asuntos na jusgado por el violasion del Republic Act 7610 con el piansa de ochenta mil de pesos.
Con Blanco ya pone bajo el custodiya del Police Station 7 antes que ay entrega conele na jusgado. (April Boy Regino)