El registracion y renovacion del negocio ya comensa ya del Jueves usando con el aplicacion de electronico Business One-Stop-Shop, o eBOSS.
Si Benjie Barredo, el jefe del oficina de division del licensia y permiso, ya conseja con el mga operadores de negocio para sigi con el proceso del en liña registracion de negocios.
Asegun con Barredo, el mga centros de pago locao na Centro Latino, City Hall, SM City Mindpro y na IBT-Divisoria.
Despues del pago, asegun con Barredo, no necesita mas mga operadores de negocio anda na BOSS para saca de ila permiso, cay hay imbia canila en liña el documento.
Asegun con Barredo, el BOSS na Centro Latino del Paseo del Mar hay continua opera para facilita y asisti con aquellos ta pasa dificultad con el en liña registracion.
Si Barredo ya habla, el BOSS na Centro Latino hay abre desde alas 8 del aga hasta alas 8 del noche durante el dias entre semana y desde alas 8 del aga hasta alas 5 del tarde na mga dias de Sabado, Domingo, y dia festivo. (B. Garcia)