El 1102nd Infantry “Ganarul” Brigade (1102Bde) ya inicia cambio na liderato del oficina de operaciones que ta supervisa con el objetivos de mision del mando, asegun con el militar del Viernes.
Asegun con el 1102Bde, el Ceremonia del Cambio del Jefe de Oficina de Operaciones, ya hace del Miercoles na cuartel del brigada na Barangay Tandu-Bato, Luuk, Sulu.
El 1102Bde ya habla, ya instola como nuevo oficial de operaciones del mando con Capitan Kesley Jon Rey Maligro, quien ya releva con Capitan James Mark Campilan.
Asegun con el 1102Bde, con ancias si Maligro na su nuevo designacion cay ta lleva este nuevo desafios y oportunidades de crecimiento del su carera.
El 1102Bde ya habla, si Campilan, na su mensaje de despedida, ya expresa su profundo gratitud por el oportunidad ya dale conele para servi con el mando.
Si Coronel Alex Gagula, el diputado comandante del 1102Bde, ya comenda ambos con Maligro y Campilan por el de ila invaluable contribuciones na exito de Brigada.
Si Gagula ya encabesa con el ceremonia del cambio de jefe del oficina de operaciones en calor de Brigadier General Alaric Avelino Delos Santos, el comandante del 1102Bde. (B. Garcia)