Si Tiniente Coronel Rolando Vargas Jr., el comandante del 53rd Infantry Battalion (53IB), ya visita con mga milicianos na base de patrulla del Barangay Lison Valley, ciudad de Pagadian, Zamboanga del Sur, asegun con el militar del Viernes.
El visitada del Martes ya dale oportunidad con Vargas para personalmente interacciona con mga milicianos y reinforza el importancia de mantener alto estandarte de profesionalismo y preparacion operacional.
Na su mensaje, ya enfatiza si Vargas el critical valor de profesionalismo, disciplina, y preparacion.
Si Vargas ya enfatiza cay el mga valores es esencial para efectivament mantene con el unidad y fomenta un cultura de respeto y responsibilidad entre el mga soldao.
Asegun con Vargas, el dedicacion de continuando mejorada persona y disciplina amo el llave para enfrenta con mga desafios na de ila obligacion.
Uno del mas significante aspetos del visitada amo el introduccion del marca de referencia del 53IB, un estrategic manera para guia con mga tropas na de ila mision. (B. Garcia)