Como el cosa ya promete el Alcalde John Dalipe, ya ase enantes un subasta publico para el compre del cuantos cosas y galamiton que puede mira live na facebook account del govierno local.
El Alcalde Dalipe ya ase el promesa durante su inagurasion cay ay ase le pone live na facebook todo maga subasta para el comprada de maga materiales y otro necesidades del govierno local.
El subasta ya ase enantes que ya puede mira el publico live na facebook amo para compra makina de speedboat, maga piesa de computer, accesoriya de motorsiclo, comida para de deci-seis mil personas, y para compra maga Nuevo computers con completo accesoriya.
El conducta del subasta que puede mira na facebook account del govierno local amo parte del progama transparensiya del alcalder Dalipe. (Bong Garcia)