El mando del pulisiya rehyonal ya distribuji mga nuevo riple y helmet para omenta con el capabilidad del pulis aqui na rehyon.
Si Police Lieutenant Colonel Helen Galvez, el portavoz del mando rehyonal del pulisiya, ya habla cay total de 112 nuevo riple y 73 helmets el ya distribuji na diferente mando del pulis na rehyon.
Si Galvez ya habla cay el mga mando del pulisiya ya recivi nuevo riple y helmet ta incluwi el del provincia de Zamboanga Sibugay, Zamboanga del Sur, Zamboanga del Norte, Zamboanga City Police Office, Regional Mobile Force Battalion-9 y support units na quartel rehyonal del pulis.
El distribucion del mga riple y helmet amo para omenta y mejora el capabilidad del pulisiya para combate todo clase de desorden y violencia aqui na rehyon.
Myentrastanto, si Police Brigadier General Neil Alinsañgan, el director del pulisiya rehyonal, ya ase llamda con el mga pulis para ase el trabajo con entusiastimo y asegura el seguridad del Zamboanga Peninsula. (B. Garcia) (Photo Courtesy of PRO-9)