Con un persona tiene pendiente dos orden de aresto ya aresta mga pulis aqui na ciudad de Zamboanga.
El Police Station 5 ya nombra con el aresta wanted persona como si Rodel Loquillano, treynta’ nueve anios el edad y un ventero de gulay.
Con Loquillano ya aresta maga alas onse y media ayer alli na Zone 2, Barangay Boalan, este ciudad.
Asegun con el pulisiya cay si Loquillano ta enfrenta el asunto de statutory rape y otro asunto de abuso sexual na jusgado aquin na ciudad.
Asegun con el pulisiya cay el suspechao tiene pendiente orden de arresto sin piansa para na asunto de statutory rape y dosientos mil pesos piansa para el otro asunto de abuso sexual. (April Boy Regino)