Irido el un militiaman cuando ya man encuentro el tropa del gobyerno y el maga rebelde New People’s Army (NPA) na municipiode Dumingag, Zamboanga Del Sur.
Asegun con Tiniente Coronel Jo-ar Herrera, comandante del 53rd Infantry “Matapat” Battalion, ya man encuentro el tropa con el grupo del maga komunista terorista baho Western Mindanao Regional Party Committee (WMRPC) del NPA na Barangay del Saad, Dumingag.
Ya man atras asegun el maga terorista y ya dividi na jutay maga grupo despues el kinse minutos tirahan.
El maga soldao ya wede recubri na lugar del encuentro el since cell phones con manada sim card, diferente clase de medisina, maga comida, materyales de propaganda, maga personal galamiton y maga bala.
Asegun con Herrera, ya sucede el encuentro despues el un semana cuando ya man encuentro el Task Unit Finisher del 102nd Infantry Brigade con el maga rebelde na Barangay Dipawak, Dumingag, que ya causa el muerte di Nilo Runat Tambula Hijo. (Erica B. Javier)