Un nuevo listao drug pusher ya aresta maga pulis na campanya contra droga ilegal in Barangay Manicahan, este ciudad.
Asegun con Coronel Alexander Lorenzo, el Zamboanga City Police Office (ZCPO) director, cay con el suspechao ya conose como si Noypi Otohbarra Taala, 31 años el edad.
Asegun con Lorenzo con Taala ya aresta maga ala una del lunes madrogada na un campanya contra droga na Purok Seaside, Baranga Manicahan, este ciudad.
Si Lorenzo ya habla cay ya puede confisca na posesion de Taala 12 gramos de suspechao shabu que tiene el valor P81,600, un portamoneda, P1,000 boodle money y P300 markao sen.
Con Taala ya detene na ZCPO Station 4 pendiente el plantada de formal asunto con el arestao suspechao. (B. Garcia)