Un negocianta de oro y de suyu prima ya perde dies milyon dos sientos sincuenta mil pesos cantidad de alajas na un holdap del Domingo denoche alla na ciudad de Isabela, provincia de Basilan.
El pulisiya del ciudad de Isabela ya nombra con el mga victima como si Sharifa Latip Ali, un negociatanta de alajas y el suyu prima, Aisa Ali, 44 años el edad.
Asegun con el pulis el incidente ya ocuri maga alas 6 del Domingo noche na calle Legaspi, Barangay Isabela proper, ciudad de Isabela.
Asegun na investigacion, de camino pa bolbida el maga victima cuando beniya el dos suspechao muntao na un motorsiclo ya rebata el plastic bag ta carga el man prima.
El plastic bag ta contene cuatro cahon de alajas que tiene el cantidad de P10 milyon y P250,000 dinero que ta dueña si Sharifa.
El maga suspechao ya escapa para na iste direccion desde’l Barangay Isabela proper.
El pulisiya del ciudad de Isabela ta ase un ondo investigacion para conose y aresta con el maga suspechao. (B. Garcia)