Gihangop sa bagang duot sa katawhan, gikan sa tulo (3) ka mga Barangay sa Siayan ang Gugma-Ayuda ni Nanay Nene Outreach Program nga gipahigayon sa Covered Court Barangay Muñoz, Siayan, Zamboanga del Norte, Mayo 11, niining tuiga.
Malipayong nagbitbit sa ilang nadawat nga mga ayuda ang katawhan sa barangay Poblacion, Barangay Paranglumba ug ang barangay Muñoz nga maoy host sa Gugma-Ayuda ni Nanay Nene.
Gihatod sa buhatan sa PSWD, ang 2,000 ka sako sa tag 5-kilo nga bugas, 110 ka dagko’ng lata sa biscuits,ug adunay 93 ka indibidwal ang nakakaon sa init nga champorado.
Gitunol usab sa Provincial Veterinarian ang 200 kabuok nga bitamina para sa baboy ug manok, 1 and 1/2 litro sa deworming, ug adunay 2 ka iro ang nabakunahan sa anti-rabies.
Samtang giapod-apod usab sa Office of the Provincial Agriculture (OPAg) ang 1,000 ka assorted seedlings, 1,000 ka putos nga organic og inorganic fertilizer, 1,000 packs corn seeds, ug 4,690 nga assorted vegetable seeds.
Nasayran gikan ni Mr. Rommel Jamolod nga nakapahimulos usab ang 575 ka indibidwal sa medical consultations , pinaagi sa mga kawani sa Provincial Health Office (PHO), diin 417 niini ang libreng na konsulta ug nakadawat sa mga tambal, 117 ang naibtan sa ngipon, ug 41 ang natuli.
(Source: Provincial Information Center ZaNorte Facebook page)