Zamboanga: Pulis ya aresta con un deci-ocho anios estudiante por el asunto de abuso sexual

Maga personajes del pulisiya ya aresta con un deci-ocho anios estudiante quien alegaomente ya abusa con un dalagita del Sabado alla na Purok sinco, Barangay Paruk, Siay, Zamboanga Sibugay.

Asegun con Coronel Albert Larubis, el Zamboanga Sibugay police director, con el suspechao ya conose como si Ronie Mendez, un residente del Barangay Minsulao, Siya.

Asegun con Larubis cay el prima del victima ya alcansa con el suspechao na acto ta abusa con el deci-siete anios dalagita.

Si Larubis ya habla cay ta prepara ya sila el necesaryo documentos para planta formal asunto contra con el suspechao quine detenido ahora na quartel del pulisiya na municipio del Siay, Zamboanga Sibugay. (Bong Garcia)