Tres personas ya aresta myentras 3,330 litro de crudu el ya confisca mga pulis por violacion del “Republic Act 9514” o mas conosido como el “Fire Code of the Philippines of 2008”.
Si Police Major Ramon Aquiatan, el hefe del Zamboanga City Police Station 10 (ZCPS10), ya nombra con el mga arestao personas como canda Arnulfo Cervas, Jr., 26; Carlito Antad, 26; y si Jessy Soliva, 31.
Asegun con Aquitan cay canda Cervas y Antad ya aresta mga alas 5:30 Martes tarde na caretera del Barangay Patalon, este ciudad.
Ya confisca na deila posesion 30 galon que ta contene 600 litros de crudu sin pertinente deocumento.
Asegun con Aquitan con Cervas y Antad ya pone na custodiya del ZCPS10 antes que ay entraga canila na poder del bombero.
Con Soliva ya aresta mga personajes del “City Motorcycle Patrol Unit (CMPU)” mga alas 5:40 Martes tarde na Barangay Pamucutan, este ciudad.
Con Soliva ya cuji ta descarga con un track ta contene 14 drums que ta contene 2,730 litros de crudo con pasao perimiso.
Con Soliva, el trak y 14 drums de crudo ya entrega para na custodiya del Zamboanga City Police Station 11 (ZCPS11). (B. Garcia, photo courtesy of ZCPS10)