Ya aresta mga pulis con dos mujeres quien tiene pendiente orden de aresto aqui na ciudad del Zamboanga.
Si Police Lieutenant Colonel Raymond Sanson, el hefe del 1st Zamboanga City Mobile Force Company (1ZCMFC), ya nombra con el mga arestao “wanted” personas como canda Suriana Utoh Mohammad, 45 años, y si Josephine Cañete Utoh, 55 años el edad ambos mga residentes del Barangay Arena Blanco, este ciudad.
Asegun con Sanson con Mohammad y Utoh ya aresta mga alas 10:12 Lunes aga na calle Pilar, Barangay Zone 4, este ciudad.
Asegon con Sanson cay canda Mohammad y Utoh tiene pendiente orden de aresto por el crimen de “attempted intentional abortion” con recomendao P12,000 piansa cada uno que ya dale del Hunyo 22, este año, el un jusgado local.
El dos arestao acusao detenido ahora na quartel del Zamboanga City Police Office. (B. Garcia, photo courtesy of 1ZCMFC)