Muerto el un persona despues que ya tira conele su vicinos por causa de agrabyo personal na Buug, Zamboanga Sibugay.
Si Police Colonel Eduard Mallo, el director del pulisiya na Zamboanga Sibugay, ya abla cay el incidente ya ocuri mga alas 12 Domingo denoche na Sitio Quebranza, Purok 3 Barangay Pulog, Buug.
Si Mallo ya nombra con el victima como si Nelson Suan, 52 años el edad con quien alegaomente ya tira si Juan Desaca, 32 años y vicinos del victima.
Base na investigacion cay antes del incidente, ya tene caliente argumento entre con Suan y Desaca despues que ya anda el victima na casa del suspechao.
Amediante del argumento, alegaomente ya saka pusil si Desaca y ya tira con Suan que ya resulta na enseguidas muerte del victima.
Asegun con Malo cay con Desaca ya puede aresta mga tanods y oficiales del barrio despues el incidente.
Ya recurbi na posesion del suspechao un calibre .45 pistola con mga bala. (B. Garcia)