27.2 C
Manila
Sunday, March 3, 2024

Zamboanga: Pulis muerto, hermano irido na incidente de tiroteo

- Advertisement -

Ya muri el un pulis quien alegaomente ya comete suicidio despues que ya tira le con su mismo hermano durante un caliente discusion aqui na ciudad de Zamboanga, asegun con el policia local del Jueves.

Asegun con el policia local, el incidente ya ocuri mga alas 8:10 del Miercoles denoche na calle Don Alfaro, Barangay Tetuan, en este ciudad.

El policia local ya nombra con el muerto pulis como si Ferdinand Garniel, 40 años el edad y un miembro del policia maritima base na municipio de Olutanga, Zamboanga Sibugay.

El policia ya nombra con el hermano de Garniel como si Angelo, 35 años el edad, un comerciante de farmacia y residente de Calle Don Alfaro, Barangay Tetuan, en este ciudad.

Base na investigacion del policia local, ya tira si Ferdinand con su hermano, si Angelo, amediante el de ila dos discusion sobre el mga documentos de propiedad del de ila tiyo, si Vergilio Bani.

Mas del investigacion ta aparece, si Ferdinand alegaomente ya comete suicidio despues que ya tira le con su hermano menor.

El mga parientes del dos man hermano ya lleva na hospital con Angelo, de quien condicion ya declara estable el doctor.

Asegun con el policia local, ya declara muerto con Ferdinand na lugar del crimen el un doctor quien ya sigi hunto na ambulancia que ya responde na incidente.

El policia ya recubri na lugar del crimen un pistola que es el armas de servicio de Ferdinand.

(B. Garcia)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -