Nadakpan sa mga personahe sa Surigao del Norte Provincial Mobile Force Company an wanted sa kasong paglapas sa RA no. 7942 kon Philippine Mining Act of 1995 sa Kodos Construction Site, Purok-1, Barangay Esperanza, Del Carmen, Siargao Island.
Sa report nga gipagawas ni Police Colonel Laudemer M. Laude, Provincial Director, nakilay.an an akusado nga si alyas “Isko,” a 33 anyos na layaki ug residente sa Del Carmen, Siargao Island, Surigao del Norte.
An akusado an may warrant of arrest sa kasong paglapas sa RA no. 7942 kon Philippine Mining Act of 1995 nga gi.isyu sa Municipal Circuit Trial Court (MCTC), 10th Judicial Region, Del Carmen-San Isidro-San Benito, Surigao del Norte, pinetsahan Pebrero 5, 2024 nga may girekomendar nga piyansa sa kantidad P36,000.00 para sa ija temporaryong kagawasan.
Sa pagka kuman an akusado an jaon sa kustodiya sa Del Carmen MPS.
(Mark James Lisondra, photo courtesy by SDN PPO)