Nagpahigayon nan surveillance an mga personahe sa Theft and Roberry Unit sa Surigao City Police Station sa pagpanguna ni PSMS Von Michael A Viajar sa Casetta Village, Sitio Cayutan, Brgy. Cagniog, SC kagahapong adlawa gumikan sa sunod-sunod nga kawat bahin sa water meter.
Atol sa ilang surveillance nadakpan an isa ka 22 anyos nga layaki nga si Ardian Bermoy Epe, ulitawo, out-of-school youth, residente sa Sitio Toril, Brgy. Luna, Surigao City.
Sa inisyal nga imbestigasyon nasayran nga ilang na obserbahan ang isa ka kadudahang layaki nga nag sukbot nan puya nga T-shirt ug nagbitbit ug itom nga sling bag.
Ilang giduol an suspek nga moikyas na unta. Sa pagpangutana ug pag-inspeksyon sa sling bag, ilang nadiskubrehan ang isa (1) ka metro sa tubig nga jaoy meter no. 0904H00246 nga gibanabana sa kantidad P1,500.00 nga may marka na “FILOTEO,” nga nakuha sa suspek.
Dugang pa sa imbestigasyon nga an metro sa tubig gipanag-iyahan ni Mrs. Liliberth Tuban Filoteo, 57 anyos, babaje, menyo, Team leader-water quality sa Primewater, Surigao City ug residente sa Casetta Subdivision, Sitio Cayutan, Brgy. Cagniog, Surigao City hinungdan nga ilang gidakop an suspek.
Mg atubang sa kasong Theft an suspek ug jaon kuman sa kustodiya sa Surigao City Police Station.
(News and photo courtesy by Mark James Lisondra)