Un miembro del policia el ya iri na un accidente vehicular na ciudad de Zamboanga, asegun con el policia local del Martes.
El policia local ya nombra con el irido pulis como si Senior Master Sergeant Omarsaid Alejo, 52 años el edad y residente de Paseo de Manggal, Barangay Baliwasan, ciudad de Zamboanga.
Si Alejo designao na Police Regional Office-Bangsamoro Autonomous Region (PRO-BAR).
Asegun con el policia local, el accidente ya socede mga alas 11:40 del Viernes denoche na Barangay Baliwasan, ciudad de Zamboanga.
Base na investigacion, si Alejo ya maneja motorsiclo para na direccion de oeste estaba na este cuando ya resbala el manibela na su mano y ya man baliscat na camino.
Asegun con el policia, con Alejo ya lleva na hospital para el curada medical. (B. Garcia)