Zamboanga: Policia ya recubri P375,000 smuggled cigarillo

0
10
photo courtesy of PRO-BAR

El mga autoridad ya recubri valor de P375,000 smuggled cigarillo na provincia del Sulu, asegun con el policia del Viernes.

Asegun con el Police Regional Office-Bangsamoro Autonomous Region (PRO-BAR), con el mga smuggled cigarillo compuesto de 1,500 paquetes ya recubri del Martes na Zone 3, Barangay Tulay, Jolo, Sulu.

Asegun con el PRO-BAR, ta conduci patrulla el mga pulis cuando ya columbra sila con el mga cigarillo na un diutay pantalan na Barangay Tulay.

Asegun con el PRO-BAR, nohay con quien ya aresta siendo el mga hente quien ta atende con el mga cajon de cigarillo de apuro ya sale na lugar cuando ya gole sila el llegada el un vehiculo del policia.

Con el mga cigarillo ya pone bajo’l custodia del policia na municipio del Jolo para el propio inventario y documentacion.

Asegun con el PRO-BAR, hay entrega con el mga confiscao smuggled cigarillo para na custodia del Buro de Aduana para el propio disposicion. (B. Garcia)

Leave a Reply