Zamboanga: Persona tiene caso de rebellon, matansa arestao

0
7
photo courtesy of PRO-9

Un individual ta enfrenta caso de rebellion y dose cuentas de matansa y listao como uno del mga personas mas buscada na provincia del Zamboanga del Sur el ya aresta mga autoridad na provincia del Misamis Occidental, asegun con el policia del Viernes.

Si Police Brigadier General Bowenn Joey Masauding, el director del mando regional del policia o Police Regional Office-9 (PRO-9), ya identifica con el arestao acusao como si Juanito Ragodos Duhaylungsod, el numero ocho persona mas buscada na provincia del Zamboanga del Sur.

Asegun con Masauding, con Duhaylungsod ya aresta durante el un operacion de aplicacion de ley por medio de servi’r orden de aresto na Purok 3, Barangay Dapacan Alto, Calamba, Misamis Occidental, del Jueves.

Asegun con Masauding, si Duhaylungsod tiene pendiente orden de aresto por el crimen de rebellion sin recomendao piansa que ya dale el un corte na Molave, Zamboanga del Sur del Deciembre 7, 2021.

Ademas, si Masauding ya habla, tiene tamen otro pendiente orden de aresto si Duhaylungsod por el crimen de dose cuentas de matansa sin recomendao piansa que ya dale el un corte na Molave, Zamboanga del Sur del Julio 10, 2018.

Con Duhaylungsod ya pone bajo’l custodia del Criminal Investigation and Detection Group na provincia del Misamis Occidental para el propio disposicion. (B. Garcia)

Leave a Reply