Un “watchlisted” quien na mismo tiempo clasificao como un “street level individual” el ya aresta mga autoridad na un campaña contra droga ilegal aqui na ciudad, asegun con el policia local del Lunes.
El policia local ya nombra con el arestao watchlisted suspechao como si Habel Hassan, 28 años el edad y residente del Sitio Malasugat, Barangay Sangali, en este ciudad.
Asegun con el policia, con Hassan ya aresta na un operacion contra droga ilegal mga alas 7:20 del Domingo denoche na Barangay Sangali, en este ciudad.
Asegun con el policia, ya puede confisca na posesion del suspechao un gramo de suspechao shabu que tiene el valor de P6,800 y P200 markao sen.
Con el arestao suspechao ya detene na quartel del Zamboanga City Police Station 3 en preparacion para el plantada del asunto por violacion del Comprehensive Dangerous Drugs Act of 2002. (B. Garcia)