Malipayong nagpasalamat si Governor Rosalina Nanay Nene Jalosjos sa gipahigayong Year End Cultural Show Competition, nga gitambungan sa tanang empleyado sa Kapitolyo, sa ZN Convention and Sports Center, Dipolog City, Desyembre 22 ning tuig.
Si Gobernador ‘Nanay Nene’ Jalosjos, nipadayag sa iyang dakong kalipay ug pasalamat, sa nagpasiugda sa maong kalihokan nga ang kamahinungdanon nagpakita og nagpalambo sa garbo ug panaghiusa sa kultura sulod sa probinsiya.
Naglaom si Nanay Nene nga mas engrande ang panagsangka karong paskoha sa unom (6) ka clustered nga mga opisina.
Nalipay si Nanay Nene Jalosjos, nga naningkamot ang matag cluster nga nindot ang ilang presentasyon, aron maangkon ang gitagana’ng dakong premyo.
Samtang, dako ang iyang pasalamat sa mga panalangin nga nadawat sa probinsya. Iyang pag-ampo alang sa padayon nga kaluwasan ug kauswagan sa iyang katawhan.
Naglaom si Governor Nanay Nene, nga ang umaabot nga bag-ong tuig makahatag kahupayan gikan sa mga hagit nga giatubang kaniadto, labi na sa mga kalisdanan nga giantos sa komunidad tungod sa natural nga mga katalagman.
Iyang pangandoy nga niining panahon sa Pasko, nga malipayon, magkahiusa ug magtinabangay kita, aron mahimong mas malamboon pa ang ZaNorte. (PIC-Nena M. Garcia)
(Source: Provincial Government of Zamboanga del Norte Facebook page)