Un soldao quien ya iri na reciente tiroteo contra con mga rebelde New People’s Army (NPA) el ya recivi un medalla desde con el 1st Infantry Division (1ID) del Philippine Army.
Si Major General Gabriel Viray, III, el comandante del 1ID, personalmente ya presenta el medalla personal herido (Wounded Personnel Medal) con Private Jeric Pingkian na un simple ceremonia na hospital del Kuta Cesar Sang-an del Sabado.
Si Pingkian, un personajes del 10th Infantry Battalion, bajo el 1ID, ya iri durante un tiroteo contra con un grupo de rebelde NPA na Barangay Mercedes, La Libertad, Zamboanga del Norte del Viernes.
El medalla ya conferi con Pingkian como un reconosimiento del su coraje y sacrificio que ta sirvi como un simbolo del su inquebrantable dedicacion para salvaguardia la paz regional.
El extraordinario valenteria que ya dale mira si Pingkian ta sirvi como un inspracion del su mga compañeros soldao y entero pais. (B. Garcia, photo courtesy of 1ID)