31.1 C
Manila
Wednesday, February 21, 2024

Zamboanga: Policia ya aresta un pescador

- Advertisement -

Un pescador listao como bien “wanted” persona el ya aresta mga autoridad na operacion de aplicacion de ley aqui na ciudad del Zamboanga, asegun con el policia local del Miercoles.

El policia local ya nombra con el arestao bien wanted persona como si Renan Arañez, 26 años el edad, quien presentamente ta queda na Purok 6, Sitio Cambodia, Barangay Sangali, en este ciudad.

Asegun con el policia, con Arañez ya aresta el mga pulis na Purok 7, Sitio Cambodia, Barangay Sangali del Martes.

Asegun con el policia, si Arañez tiene pendiente orden de aresto por el crimen de rapto sin piansa que ya dale el tribunal del municipio de San Miguel, Zamboanga del Sur del Enero 13, 2023.

Con Arañez ya aresta el combinao personajes del policia del municipio del Vincenzo Sagun, Zamboanga del Sur y Zamboanga City Police Station 3 (ZCPS3).

Si Arañez temporariamente detenido na quartel del ZCPS3 y esperansao conele lleba na policia del Vincenzo Sagun para entrega na concierne tribunal. (B. Garcia)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -