31.1 C
Manila
Wednesday, February 21, 2024

Zamboanga: 4 personas arestao na campaña contra juego ilegal

- Advertisement -

 

Ya aresta mga autoridad con cuatro personas na un campaña contra juego ilegal aqui na ciudad, asegun con el policia local del Miercoles.

 

Asegun con el policia, con el cuatro ya aresta mga alas 10:28 del Martes denoche na Paseo de Champaca, Barangay Sta. Catalina, en este ciudad.

 

Asegun con el policia local, con el cuartro arestao personas ya conose como canda Virgilio Etrata, 53 años el edad; Gerry Son, 41; Roel Pangilinan, 43; y si Mohammad Salialam, 33.

 

El policia ya habla cay con el cuatro ya cuji na acto ta juga juego ilegal nombrao como el talang.

 

Ya puede confisca durante el aresto del cuatro personas dos monedas (coins) de un peso, P1,159 sen de apuesta de diferente denominacion y un basio galon.

 

Con el cuatro arestao personas ya lleba na Zamboanga City Police Station 11 para el propio disposicion. (B. Garcia)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -