El Consulado General del Japon Yoshihisa Ishikawa ya asegura su suporta con el Western Mindanao Command (Westmincom) na sustenida de paz y orden aqui na Mindanao.
Si Ishikawa ya hace el seguramiento durante su visitada na quartel del Westmincom na Campo Don Basilio Navarro na Barangay Calarian, en este ciudad, del Martes.
Asegun con el Westmincom, el objeto de visitada de Ishikawa amo para descuti sobre el situacion del seguridad aqui na Oeste Mindanao.
Durante to visitada, con Ishikawa ya recivi si Coronel Lambert Jonathan Gesolgon, el inspector general, y otro mga alto funccionarios del Westmincom na sala del Laong Laan del mando.
Con el consulado general del Japon ya establisa na Davao para mira el bien de todos los Japones na region de Mindanao.
El consulado ta promover con el Japon-Mindanao relacion de economico, cultural, educacion y intercambios humanos, pati para introduci en hermusra del Japon. (B. Garcia) (Photo Courtesy of Westmincom PIO)