Un persona mas buscada el ya aresta el mga autoridad na un operacion de aplicacion de ley na provincia del Zamboanga Sibugay, asegun con el policia del Jueves.
El policia ya nombra con el arestao persona mas buscada como si Reywin Eugenio, un individual legal el edad y residente del Barangay Mampang, ciudad del Zamboanga.
Asegun con el policia, con Eugenio ya aresta na un operacion de aplicacion de ley por medio de implementada de un orden de aresto mga alas 7:15 del Miercoles aga na Barangay Upper Tungawan, Tungawan, Zamboanga Sibugay.
Asegun con el policia, si Eugenio tiene pendiente orden de aresto por el crimen de matansa sin recomendao piansa y frustrao matansa con recomendao piansa de P200,000 que ya dale el un corte na ciudad de Zamboanga del Mayo 31, 2024.
El policia ya habla, con Eugenio ya pone bajo’l custodia del policia na municipio de Tungawan para el propio documentacion y hay lleva conele para na Zamboanga City Police Station 7 (ZCPS7) para el custodia antes que hay debolbe con el orden de aresto na concierne corte.
Asegun con el policia, con Eugenio ya aresta el combinao personajes del policia na Tungawan y del ZCPS7. (B. Garcia)