El mga autoridad ya confisca valor de P5.7 millones contrabando na ciudad de Zamboanga, asegun con el policia del Jueves.
Asegun con el policia, el mga contabando compuesto de 100 cajon de cigarillo ya confisca mga alas 11:25 del Miercoles denoche na vicinidad de isla de Manalipa, ciudad de Zamboanga.
Asegun con el policia, el mga personajes del 2nd Zamboanga City Mobile Force “Seaborne” Company (2ZCMFC) ta viaja para na isla de Pangapuyan cuando ya columbra sila con un jungkung con cuatro tripulantes para sumida ya cay grande-grande el mareada por causa del mal tiempo.
El mga personajes del 2ZCMFC ya precura salva con el mga tripulantes, quien ya salta na agua, pero de en vano lang de ila esfuerzo.
Asegun con el policia, ya descubri el mga personajes del 2ZCMFC lleno de 100 cajon de smuggled cigarillo que tiene el valor de P5,730,000.
Asegun con el policia, con el mga confiscao smuggled cigarillo ya entrega para na custodia del Buro de Aduana para el documentacion y propio disposicion. (B. Garcia)