El mga autoridad ya aresta un persona mas buscada na Region 10 na un operacion de aplicacion de ley na provincia del Zamboanga Sibugay, asegun con el policia del Domingo.
El mando regional del policia, o Police Regional Office-9 (PRO-9), ya identifica con el arestao suspechao como si Aldrim Enoy Maruhom, uno del mga personas mas buscada na Region 10.
Asegun con el policia, con Maruhom ya aresta na un operacion de aplicacion de ley por medio na implementacion del un orden de aresto mga alas 4:20 del Sabado aga na Barangay Poblacion, Ipil, Zamboanga Sibugay.
Asegun con el policia, si Maruhom tiene pendiente orden de aresto sin recomendao piansa por el crimen de 14 cuentas abuso carnal que ya dale el un corte na ciudad de Iligan del Enero 31, 2025.
El policia ya habla, con Maruhom ya lleva para na Iligan City Police Station 2 para el documentacion y propio disposicion.
Asegun con el policia, con Maruhom ya aresta durante un aplicacion de ley de alto nivel el combinao personajes del pulis desde Region 10 y Region 9 en coordinacion con el policia na Ipil, Zamboanga Sibugay y con el Mindanao Area Police Intelligence Office. (B. Garcia)