El mga autoridad ya aresta un persona y ya confisca P340,000 valor de droga ilegal na un operacion contra droga na ciudad de Zamboanga, asegun con el policia del Domingo.
El policia local nohay identifica con el arestao persona puera lang de habla’r el arestao suspechao clasificao como un individual de alto valor, o high-value individual (HVI).
Asegun con el policia, con el HVI ya aresta na un operacion de compra busto mga alas 11:05 del Viernes denoche na Purok 9, Barangay Tugbungan, ciudad de Zamboanga.
Asegun con el policia, ya confisca na posesion del HVI aproximadamente 50 gramos de suspechao shabu que tiene el valor de P340,000, dinero de compra busto, y un motorciclo que ta cre el mga autoridad ta usa na transacciones de drogas ilicitas.
El policia ya habla, ya detene con el suspechao en preparacion para el plantada del asunto contra conele por violacion del Ley Integral de Drogas Peligrosas de 2002.
El operacion de compra busto ya conduci el mga personajes del City Drug Enforcement Unit del Zamboanga City Police Office, en colaboracion con el Regional Intelligence Unit-9 y el Philippine Drug Enforcement Agency. (B. Garcia)