El mga autoridad ya aresta con dos personas mas buscada y ya confisca droga ilegal, armas de fuego y explosivos na un operacion de aplicacion de ley na ciudad de Zamboanga, asegun con el policia del Martes.
El mando regional del policia, o Police Regional Office-9 (PRO-9), ya identifica con el mga arestao individuales como canda Jonar Jul-Asri, y si Naser Jul-Arsi, el numero siete y numero ocho personas mas buscada na nivel del ciudad, respetivamente.
Asegun con el policia, con el dos ya aresta na un operacion de aplicacion del ley por medio de servi’r orden de aresto mga alas 2:50 del Domingo tarde na Barangay Talon-Talon ciudad de Zamboanga.
Asegun con el policia, el dos arestao suspechao tiene pendiente orden de aresto por violacion del Ley Integral de Drogas Peligrosas de 2002 y frustrado matansa que ya dale el un corte na ciudad de Zamboanga.
El policia ya habla, con confisca na posesion del dos arestao suspechao 20 gramos de suspechao shabu que tiene el valor de P136,000, un calibre .45 pistola con clip y sinco bala y dos granada.
El policia ya habla, el dos aresta personas mas buscada ya pone bajo’l custodia del Zamboanga City Police Office. (B. Garcia)