El mga personajes del Naval Forces Western Mindanao (NFWM) ya aresta siete personas y ya confisca mas de P20 millones valor de contrabando na mar del Sulu, asegun con el militar del Martes.
Si Rear Admiral Francisco Tagamolila, Jr., el comandante del NFWM, ya habla el aresto y confiscacion del mga contrabando ya hace del Domingo 17 kilometros desdeāl isla de Tubigan, Pangutaran, Sulu.
Si Tagamolila ya habla, el mga personajes abordo na BRP-Laurence Narag (PG907) del Naval Task Force 61 ta conduci patrulla de seguridad maritima cuando ya columbra sila con el un banca de motor nombrao como el M/B Salwa-4.
Asegun con Tagamolila, el mga personajes del PG907 ya descubri durante el inspeccion cay el M/B Salwa-4, que tiene siete tripulantes, ta carga 350 cajon de cigarillo sin documento con el valor de mas de P20 millones.
Si Tagamolila ya habla, el PG907 ya escolta con el M/B Salwa-4 para na Estacion Naval Romulo Espaldon na Calarian, ciudad de Zamboanga, para el mas de inspeccion y propio entego con el concierne agencia de gobierno.
Asegun con Tagamolila, con el arestao siete tripulantes, banca de motor, y mga confiscao smuggled cigarillo ya entrega na Buro de Aduana para el propio disposicion.
āEl exitoso operacion ta demostra con continuando esfuerzo del NFWM y mga compaƱeros agencias para combate smuggling y proteje con el borde maritima del pais,ā si Tagamolila ya habla. (B. Garcia)