El mga autoridad exitosamente ya aresta con un persona mas buscada del provincia del Zamboanga Sibugay na un operacion de aplicacion de ley, asegun con el policia del Martes.
El mando del policia regional o Police Regional Office-9 (PRO-9) ya nombra con el arestao persona mas buscada como si Arnel Bagot.
Asegun con el policia, con Bagot ya aresta na un operacion de aplicacion de ley por medio de servi’r orden de aresto mga alas 4:40 del Lune saga na Barangay San Roque, San Rafael, Bulacan.
Asegun con el policia, si Bagot listao como el numero siete persona mas buscada na provincia del Zamboanga Sibugay.
Asegun con el policia, si Bagot tiene pendiente orden de aresto por el crimen estutorio abuso carnal que ya dale el un corte na Ipil, Zamboanga Sibugay del Junio 27, 2024.
Asegun con el policia, si Bagot presentamente ta esta bajo’l custodia del 301st Maneuver Company para el documentacion y propio disposicion. (B. Garcia)