El 1st Infantry Division (ID) del Army orgullosamente ya conduci el simultaneo sujetada del retazo de bandera del pais na uniforme del cada soldao durante el ceremonia de la bandera del Lunes.
Este significante evento, markao con orgullo y unidad, exhibido el dedicacion del 1ID para servi con el pueblo Filipino y defende con el soverania del pais.
Si Major General Gabriel Viray, III, el comandante del 1ID, ya encabesa con el simbolico gesto, que el objetivos para fortalce el sentido de patriotismo y unidad entre el mga tropas.
El sujetada del retazo de bandera del pais ta simboliza en inquebrantable compromiso para defende y proteje con el soverania de Filipinas.
Si Viray ya dale imporancia con el bandera del Filipinas como un simbolo de identificacion nacional y unidad.
“Como mga soldao del 1st Infantry (Tabak) Division, de aton se deber para honra y defende con el de aton bandera nacional,” ya habla si Viray. (B. Garcia)