General Santos City – Bisan dili maayo ang panahon, apan wala gayud sipyata ni GenSan City Mayor Lorelie Geronimo Pacquiao ang pagpanguna sa groundbreaking ceremony ning milabay’ng adlaw. Kini alang sa road improvement/concreting sa Foremost Phase 2, Springview Barangay Apopong, General Santos City.
Mikabat gayud sa P5 milyones ka pesos gikan sa pundo sa LGU-Gensan ang gigahin alang sa maong proyekto.
Ang seremonyas gitambongan gayud ni Punong Barangay Pao Natividad, ug mga Opisyal sa Foremost Village sa pagpanguna ni Purok Chairman RONIEL DEGORIO. (Rem C. Agdon)