Un persona listao como el numero sinco persona mas buscada na uno del mga municipio na Zamboanga del Sur el ya aresta mga autoridad, asegun con el policia del Sabado.
Si Tiniente Coronel Helen Galvez, el portavoz de mando regional del policia, ya nombra lang con el arestao persona mas buscada como si Jun-Jun, 29 años el edad y residente del Purok Nazareno, Barangay Tagulalo, Aurora, Zamboanga del Sur.
Asegun con Galvez, con Jun-Jun ya aresta na un operacion de aplicacion de ley por medio de servir orden de aresto mga alas 9:07 del Jueves denoche na Purok 3, Barangay Peñaranda, Kabasalan, Zamboanga Sibugay.
Asegun con Galvez, si Jun-Jun tiene pendiente orden de aresto de dos cuentas asunto de calificao estatutorio abuso carnal sin recomendao piansa que ya dale el corte de Aurora, Zamboanga del Sur del Enero 26, 2024.
Si Galvez ya habla, si Jun-Jun listao como el numero sinco persona mas buscada na municipio del Aurora. (B. Garcia)
