Na apod-apod na ang Tabang Mandaue Kits sa matag pamilya na biktima sa sunog didto sa Sitio Under the Bridge, Barangay Looc, siyudad sa Mandaue, kagahapong adlawa, Marso 15, 2024.
Ang mga sakop sa City Social Welfare Services maoy nihimo sa pag apod-apod sa Tabang Mandaue Kits nga adunay mga kagamitan sa kusina, ug balde gikan sa Kaabag Mandaue ug uban pa.
Si Mayor Jonas Cortes niadto aron sa pagsusi sa kahimtang sa evacuation center sa mga nasunogan ug aron paghatag ug kadasig ug paghupay sa kasubo.
Nipasalig usab ang Mayor na hatagan gyud og pinasyal na ayuda ang mga nabiktima sa sunog.
Mahinomduman na niadtong March 12, 2024 sa hapon naigo sa dakong sunog ang maong lugar diin kapin sa 500 ka mga pamilya ang na biktima ug kapin usab sa 1700 ka mga individuals.
Didto usab sila si Board Member Glenn Soco ug City Councilors nga sila Maline Cortes-Zafra, Jen Del Mar, Cynthia Cinco-Remedio, Editha Cabahug, Jimmy Lumapas, Oscar Del Castillo, Malcolm Sanchez, Jun Arcilla, ABC President Dante Borbajo, ug Looc Barangay Captain Raul Kevin Cabahug. (Renante Lada)