Sinco personas el ya aresta cuando ya bungca un cuarto de droga ilegal el mga autoridad na provincia del Zamboanga Sibugay, asegun con el Philippine Drug Enforcement Agency (PDEA) del Sabado.
Si Maharani Gadaoni-Tosoc, el director regional del PDEA, ya nombra con el mga arestao suspechao como el mga siguientes: Rena Rose Ayo, el mantenedora del cuarto de droga ilegal; Raffy Val Golbe, empleyado de Ayo; Michael Rey Bernardo, visita del cuarto de droga ilegal; Khalid Akilan, visita; y si Sarah Tandual, visita.
Asegun con Gadaoni-Tosoc, con el mga suspechao ya aresta na un campaña contra droga ilegal mga ala 1:05 del Miercoles tarde que ya resulta na bungcada del cuarto de droga ilegal na Purok Gemelina, Barangay Sanito, Ipil, Zamboanga Sibugay.
Si Gadaoni-Tosoc ya habla, ya puede confisca na bungcao cuarto de droga ilegal mas o menos 17 gramos de suspechao shabu con el valor de P115,600, dos celpon, dinero y mga parafernales na usada de droga ilegal.
Asegun con Gadaoni-Tosoc, con el mga suspechao y cuarto de droga ya bungca el operativas del PDEA con el suporta del mga personajes del policia. (B. Garcia)