Cagayan de Oro – Padayong gipangita sa kapulisan sa Talisayan Municipal Police Station ang responsable sa pag hit and run sa usa ka lalaki sa Barangay Mandahilag Talisayan Misamis Oriental.
Ang biktima mao si Reynold Sabuero, 34-anyos, residente sa Barangay Macupa Talisayan Misamis Oriental.
Sa pakighinabi sa Randyo Ronda team ngadto ni Talisayan Municipal Police Station Assistant Investigator Police Staff Sergeant Christian Pates iyang gibutyag nga gikan nag-vigil ang biktima sa higalang namatay apan pag-abot sa lugar kalit gibanggaan sa wala mapihong sakyanang nga nakatabok sa pikas lane
Naka-angkon sa samad ug injury sa ulo ang biktima hinungdan sa hinanaling kamatayon.
Gidudahan usab sa kapulisan nga nakatulog ang responsable niini samtang nagmaneho.
News and photo by Cheleste Simene