28.8 C
Manila
Wednesday, April 24, 2024

Zamboanga: Policia ya aresta numero 3 bien ‘wanted’ persona

- Advertisement -

Un persona listao como el numero tres bien “wanted” base na sistema de “E-warrant” el ya aresta mga autoridad aqui na ciudad de Zamboanga, asegun con el policia local del Sabado.

El policia local ya nombra con el arestao persona como si Darren Ramos, 22 dos años el edad y residente de Barangay San Roque, en este ciudad.

Asegun con el policia, con Ramos ya aresta na un operacion de aplicacion de ley por medio de sirvir un orden de aresto mga alas 10:25 del Viernes denoche na Barangay Sta. Barbara, en este ciudad.

Asegun con el policia, si Ramos tiene pendiente orden de aresto por el caso de rape y dos cuentas caso de “attempted rape” sin recomendao piansa que ya dale el un tribunal local del Deciembre 15, 2023.

Si Ramos bajo el temporario custodia del policia local y hay entrega conele na concierne tribunal. (B. Garcia)

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -