Un “watchlisted” y na mismo tiempo clasficao como ‘street level individual” el ya aresta mga autoridad na un campaña contra droga ilegal aqui na ciudad, el policia local ya anuncia del Sabado.
El policia local ya habla, con el arestao suspecho ya conose como si Andy Ismael, 44 años el edad y residente del Barangay Zone 1, en este ciudad.
El policia ya habla, con Ismael ya aresta na un “buy-bust operation” mga ala 1:22 del Domingo aga na calle Roberto Villares, Barangay Tetuan, en este ciudad.
Asegun con el policia, ya puede recubri na posesion de Ismael valor del P3,400 suspechao shabu, un portamoneda, y P200 markao sen que ya usa na buy-bust operation.
Con el arestao suspechao ya pone bajo’l custodia del Zamboanga City Police Station 6 en preparacion para el plantada del asunto por violacion del Comprehensive Dangerous Drugs Act of 2002. (B. Garcia)