El Barangay Cabaluay el ya gana como el campeon en este año competicion del “Christmas village” que ya orgniza el govierno local en linea con el Festival de Navidad 2023.
El Barangay Cabaluay, que ya gana por primera vez, ya lleva bolbe el gran premio de P200,000. Ya gana el Cabaluay contra con otro 18 concursantes compuesto de mga barangays y organizaciones.
El vicinos barangay del Cabaluay, el Manicahan, ya gana el segundo puesto con el premio de P150,000 mientras el Bunguiao, el ganador perenne (perennial winner), ya gana tersero puesto con el premio de P130,000.
El Barangay Culianan ya gana el aka-cuatro puesto con el premio de P120,000 y el Patalon aka-sinco con el premio de P100,000.
El mga concursantes que nohay gana ya recivi P30,000 como incentivo de participacion.
El Alcalde John Dalipe hunto con cuantos mga miembros del consejo de ciudad personalmente ya dale el premio con el mga ganador del concurso durante un programa enfrente del City Hall del Viernes denoche.
Si Dalipe ya facilita con el mga ganador por el de ila entusiasmo y esfuerzos que ya dale alegria con el mga residentes este temporada navideña (Yuletide season).
El alcalde ya rindi tamen gracias con mga participantes por el de ila platicipacion que ya hace con el de este año festival de navidad un gran exito.
Con el concurso de Christmas village ya organiza el govierno loca por medio del Oficina de Turismo del Ciudad. (B. Garcia, photo courtesy of City Hall PIO)