El mga autoridad ya aresta na un operacion de aplicacion de ley un persona mas buscada na provincia del Lanao del Sur, asegun con el policia del Lunes.
Si Police Colonel Robert Daculan, el director del policia na Lanao del Sur, nohay identifica con el arestao persona mas buscada quien un residente del Barangay Bangon, ciudad de Marawi.
Asegun con Daculan, con el persona mas buscada ya aresta na un operacion de aplicacion de ley por medio de servi’r orden de aresto mga alas 7:30 del Domingo denoche na Barangay Basak Malutlut, ciudad de Marawi, Lanao del Sur.
Asegun con Daculan, el acusao tiene pendiente orden de aresto por violacion del Seccion 15 del Ley Integral de Drogas Peligrosas de 2002 cay positivo le ta usa droga ilegal.
El orden de aresto contra con el acusao ya dale el un corte na ciudad de Marawi del Octubre 18, 2023.
Asegun con Daculan, el arestao acusao clasificao como el Numero 7 persona mas buscada na provincia del Lanao del Sur y Numero 5 persona mas buscada na ciudad de Marawi.
Asegun con Daculan, con el arestao persona mas buscada ya pone bajo’l custodia del policia na ciudad de Marawi, Lanao del Sur para el propio documentacion y disposicion. (B. Garcia)Â