Gipahibawo ni Police Lieutenant Colonel Maria Theresa Macatangay, deputy director for operations sa Cebu City Police Office (CCPO), nga ang Sinulog 2025 selebrasyon malinawon ug hapsay sa kinatibuk-an.
Apan, adunay pipila kakulian sa trapiko sa gawas sa Cebu City Sports Center (CCSC) nga nakaresulta sa pagkalangay sa ritual showdown, tungod kay naulahi og gawas ang mga contingents sa maong lugar.
Matod ni Macatangay, ang pag-deploy unta og mga marshal gikan sa Sinulog Foundation Inc. aron magdumala sa dagan sa trapiko sa CCSC, makapugong unta sa problema.
Bisan pa niini, nagpabilin nga malinawon ang selebrasyon nga usa sa mga highlights sa Sinulog karong tuiga. (Renante Socia Lada)