El mga autoridad ya cogi na acto con sinco personas ta usa droga ilegal na ciudad de Lamitan, Basilan, asegun con el policia del Viernes.
El mga autoridada nohay nombra con el mga sinco arestao suspechao quien detenido na carcel del policia na ciudad de Lamitan.
Aegun con el policia, con el sinco suspechao ya aresta na un operacion de compra busto na del Jueves na un abandonao casa na Barangay Colonia, ciudad de Lamitan.
Asegun con el policia, ya confisca na posesion del mga arestao suspechao un medianas termosellada transparente plastico sobrecito ta contene suspechao shabu, P500 marcao dinero, dos celpon, P920 dinero de diferentes denominacion, y otro pa mga parafernales de droga ilegal.
Asegun con el policia, ya detene con el mga arestao suspechao en preparacion para el plantada del asunto contra canila por violacion de Ley Integral dr Drogas Peligrosas de 2002.
Mientras tanto, el policia na ciudad de Lamitan ya anima con el comunidad para trabaja hunto canila na campaña contra droga ilegal. (B. Garcia)